Законодавците на Европската Унија, по повеќе од 9 часа преговарање, постигнаа договор за усвојување на нов закон со кој се гарантира дека производите што се продаваат во ЕУ не се поврзани со уништување или деградација на шумите, наведува Euractiv.
Во периодот од 1990 до 2020 година поради уништување на шумите е изгубена површина поголема од ЕУ, што, како што се истакна, е причина за 10 проценти од загубата на таквите површини.
„ЕУ е голем потрошувач и трговец со стоки кои играат значајна улога во уништувањето на шумите, како што се говедско месо, соја, какао и дрво“, рече Мариан Јуречка, министер за животна средина од Чешка, која преговараше во име на 27 земји на ЕУ. Тој наведе дека заштитата на животната средина низ целиот свет, вклучувајќи ги шумите и прашумите, е заедничка цел за сите земји.
To fight climate change, products from deforested land will no longer be allowed to be sold in the EU.
The agreement by Parliament and the Council willl still need to be formally adopted before it can enter into legislation. Read more: https://t.co/dxK5bQm4rl pic.twitter.com/Snxt59ffuJ
— European Parliament (@Europarl_EN) December 6, 2022
Што се менува со овој договор?
Компаниите ќе мора да проверат дали нивните производи содржат материјали што доаѓаат од уништувањето на прашумите, како палмино масло, говедско месо, соја, кафе, чоколадо, какао, дрво, гума или делови за мебел. Од нив ќе се бара да дадат изјава за длабинска анализа за да можат да продаваат такви производи на пазарот на ЕУ. Доколку се поврзани со уништување на шумите, ќе се забрани увоз и извоз во ЕУ.
Мерката важи и за говедата што се хранат со сточна храна одгледувана на полиња создадени во обесшумени области. Продажбата во ЕУ нема да биде дозволена без такви декларации – сертификати врз основа на сателитски снимки и џи-пи-ес координати, за да се знае од каде доаѓа стоката.
Бројот на извршени инспекции ќе зависи од земјата на производство, при што кај оние со најголем ризик ќе се проверуваат девет проценти од операторите и трговците кои тргуваат со производите.
Новиот закон на ЕУ е поздравен од еколошките организации. „Greenpeace“ ја поздрави одлуката и се надева дека ќе запре сечата.
„Влеговме во историјата со законот против уништување на шумите, прв од ваков вид во светот“, рече Анке Шулмајстер-Олденхова, виш службеник за шумска политика во Канцеларијата за европска политика на WWF.
? We made it
After more than 2️⃣ years we made it
The EU #deforestation law is now a reality!
A law that will protect forests around the world
A law that can change the lives of millions of people
This is the power of campaigning, of standing #Together4Forests!?️⤵️ pic.twitter.com/FnsZzxz7xS
— WWF EU (@WWFEU) December 6, 2022
Новата одлука мора да биде усвоена од Европскиот парламент и Советот пред да стапи во сила. Операторите и трговците ќе имаат рок од 18 месеци да ги применат новите правила, додека продолжениот период на воведување од 24 месеци се однесува на микро и малите претпријатија.
Биодизелот и пченката не се вклучени, а Комисијата ќе разгледа дали ќе треба и тие да се додадат во иднина.
Извор: АГРОТИМ
