Тајландската кралска морнарица денеска започна операција за спасување и потрага по 31 лице исчезнато откако воен брод потона во Тајландскиот залив, откако десетици луѓе беа извлечени од разбрануваното море.
Триесет и еден од 106-те членови на екипажот на воениот брод Сухотаи се уште се водат како исчезнати, изјави денеска адмирал Погкронг Монтрадпалин, портпарол на Тајландската кралска морнарица, неколку часа по почетокот на потрагата.
Екипажот синоќа ја „изгуби контролата“ над бродот, кој почна да тоне веднаш по полноќ (недела во 18 часот по средноевропско време), на околу триесетина километри од брегот, во близина на Банг Сафан, во провинцијата Прачуап Кири Кан.
Поради неповолните временски услови, оштетен е електронскиот систем на патролниот брод, што доведе до прекин на машините кои го обезбедуваа негово функционирање, истакна адмиралот.
На снимката направена од морнарицата, може да се види бродот наведнат на едната страна и до половина во вода.
กองทัพเรือ ชี้แจงกรณี #เรือหลวงสุโขทัย (ต่อ)
เรือหลวงสุโขทัย ท้ายเรือเริ่มจมน้ำ เรือหลวงกระบุรี พยายามให้ความช่วยเหลือกำลังพลของเรือหลวงสุโขทัยอย่างสุดความสามารถทั้งนี้ กองทัพเรือ จะดำเนินการช่วยเหลือ โดยคำนึงถึงความปลอดภัยของกำลังพลเป็นสำคัญเป็นสำคัญสุด pic.twitter.com/j9ZUgc7agf
— กองทัพเรือ ROYAL THAI NAVY (@prroyalthainavy) December 18, 2022
Брановите беа високи околу три метри кога бродот почна да тоне. Облеков елек за спасување и скокнав. Пливав три часа, изјави спасен морнар за телевизијата Thai PBS, додавајќи дека чамецот за спасување не можел доволно да го доближи поради брановите.
Внимателно ги следам информациите. Околу пет лица се тешко повредени, изјави премиерот Прајут Чан-О-Ча, поранешен генерал на копнената војска, кој ја извршува функцијата министер за одбрана.
ชี้แจงกรณี #เรือหลวงสุโขทัย (ต่อ) ทร. สั่งการเรือหลวงอ่างทอง เรือหลวงภูมิพล เรือหลวงกระบุรี เฮลิคอปเตอร์จำนวน 2 ลำ พร้อมชุดป้องกันความเสียหาย เข้าช่วยเหลือเป็นการด่วน ปัจจุบัน เรือหลวงกระบุรี ได้เดินทางไปถึงจุดเกิดเหตุแล้ว อยู่ระหว่างเร่งให้ช่วยเหลือกำลังพลของเรือหลวงสุโขทัย pic.twitter.com/CWUZQzfjHt
— กองทัพเรือ ROYAL THAI NAVY (@prroyalthainavy) December 18, 2022
Околу 75 лица беа спасени во операција во која учествуваа два воени хеликоптера, две фрегати и еден амфибиски брод, се наведува во соопштението на морнарицата.
Воздухопловните сили соопштија дека ја водат операцијата за спасување, без да наведат други детали.
#กองทัพเรือ ชี้แจงกรณี #เรือหลวงสุโขทัย อัปปาง#เวลา 18.00 น. ผู้บังคับบัญชากองเรือยุทธการ เดินทางมารับกำลังที่ได้รับบาดเจ็บจำนวน 6 นาย ที่ลำเลียงโดยเครื่องบินลาดตระเวนแบบดอร์เนีย ณ สนามบินอู่ตะเภา เพื่อส่งต่อการรักษา ที่โรงพยาบาลสมเด็จพระนางเจ้าสิริกิติ์ อ.สัตหีบ จ.ชลบุรี pic.twitter.com/FcyddFtgMe
— กองทัพเรือ ROYAL THAI NAVY (@prroyalthainavy) December 19, 2022
Воениот брод „Сухотаи“ од американско производство, беше пуштен во функција во 1987 година, пишува американскиот истражувачки институт Навал.
Неколку провинции на југот на Тајланд беа погодени од невреме со врнежи во последните денови, што предизвика вчера и денеска прекин на траектниот сообраќај меѓу копното и островот Кох Самуи, популарна туристичка дестинација.
