Во Украина, во градот Соледар, регионот Доњецк, цела ноќ се водеа жестоки борби.
Ова го изјави заменик-министерката за одбрана на Украина, Хана Малиар на апликацијата Телеграм, пренесува Укринформ.
„Ноќта во Соледар беше жешка, битките продолжија. Речиси сите главни сили непријателот ги насочи во областа Доњецк и одржува интензивна офанзива “, рече Малиар.
Таа истакна дека украинските борци храбро се обидуваат да ја задржат одбраната.
„Ова е тешка фаза од војната, но ние ќе победиме. Нема сомнеж“, рече Малиар.
На 12 јануари, претседателот Володимир Зеленски им се заблагодари на сите украински војници и ги пофали падобранците и борците кои ги држат своите позиции во Соледар и му нанесуваат значителни загуби на непријателот.
