Британската манекенка Аби Кленси призна дека е многу „откачена“ кога е во прашање љубовниот живот со нејзиниот сопруг, поранешниот фудбалер Питер Крауч.
Двојката во својот неодамнешен подкаст „Therapy Crouch“ се присети како се запознале на забава во Ливерпул во ресторан во кој Аби работела како келнерка.
„Дојде, и ова звучи клише, но поубава девојка во животот не сум видел. Секогаш се сеќавам на твоите очи. Тие се неверојатни“, изјави Крауч.
Аби тогаш призна дека се плашела да им каже на родителите дека излегува со играчот на Ливерпул.
„Го запре автомобилот пред куќата кога целото семејство гледаше низ прозорецот. Не знам зошто бев толку таинствена. Можеби затоа што бев многу млада и се срамев да и кажам на мајка ми дека одам на состанок“, признала 37-годишната манекенка.
Татко ми е најголемиот навивач на Ливерпул во светот, но не реагираше добро кога им кажав дека сум отишла на неколку состаноци со него, додаде таа.
Кога станува збор за сексот, Аби вели дека е „дама на улица и палава во кревет“, на што Питер се надоврза со песната „Nasty Girl“ на раперот Лудакрис чиј текст гласеше „Чиста на работното место, палава под чаршаф“.
Гледајќи наназад на нивниот прв состанок, Аби вели дека уште тогаш знаела дека Питер е тој.
Од денот кога го запознав знаев дека ќе бидеме засекогаш заедно.
Парот, кој се венча во 2011 година, неодамна се појави на „This Morning“ каде зборуваше за тоа како неодамна ги обновиле заветите на церемонијата на плажа на Малдивите.
На церемонијата присуствуваа нивните четири деца, мајката на Аби, Карен и нивните пријатели.
