Пишува: БРАНКО ТРИЧКОВСКИ
Злосторничкото здружение викано вмро-дпмне го изведува својот злосторнички потфат со помош на медиумската котерија која го опфаќа комплетното медиумско пространство и целата мрежа, сите поединци, новинари, уредници, директори и газди минус 0.1 отсто.
Еве, нека е минус 5 отсто.
Не повеќе.
Уништувањето на тоа организирано зло, треба и мора да биде цел на институциите чија работа е да се грижат за мирот, стабилноста и опстојноста на државата и за слободата и безбедноста на луѓето.
Не смее да се дозволи таа активност да се оспорува или релативизира во рамките на партискополитичките конфронтации. Ова не е против вмро-дпмне како политичка партија, туку како злосторничко здружување. Како што и елиминацијата на голем број луѓе што работат во медиумите, не е борба против новинарите, туку борба против злосторници кои се на привремена работа во новинарството со злосторнички цели.
Резултатот на активноста на Злото за кое тука пишуваме е растуреното општество.
Без морална и професионална супстанца.
Без национална и државотворна самосвест.
Уништени сме како компир од златица.
Како бели дробови од корона.
Нацијата е претворена во КУД “ВМРО-ДПМНЕ”!
Во последните триесетина години сум напишал илјадници кривични пријави против тие гадови, сум водел многу полемики, последната при неверојатниот реизбор на главните сервисери на катастрофата на журнализмот за први луѓе на ЗНМ. Моите колумни и статуси се пријави во форма на глас што мораше да допре до обвинителствата.
Мислам дека сношти и денеска се уништени многу телефони, компјутери и тефтери.
Се уништуваат есемеси и инбокси во кои се сместени налози или рапорти за извршените злосторства.
Која вест да оди и кога да оди, која да не оди, каква интонација да има, како да се засилува хистеријата кај луѓето, која афера да се пушти денеска, а која утре, кој човек од власта да се дисквалификува, која колешка или колега да се дискредитира и оцрни и со какво срање, како е правена антиевропската и антибугарска атмосфера како фактор на деструкцијата, а не на националната консолидација, се со една генерална цел: да се излуди народот и да се елиминира неговата моќ да ги разликува светлата на семафорите.
Сите знаеме дека тие работи беа синхронизирани и централизирани.
Но, сеедно, мислам дека треба да се извршат претреси кај главните уредници, директорите и газдите на Алфа, Телма, Сител, Канал пет, кај Геро и Плусинфо, Мицко, Хер Флик, за почеток.
Така што, драги прокурори, Марјанчо треба да биде почеток на вашата благородна работа, не крај. Освен тоа неговите материјали сигурно ќе ви пружат дополнителни инспирации и информации.
