Нема алтернатива за победата на Украина во војната што Русија ја води против неа, исто како што нема алтернатива за членството на Украина во Европската унија и НАТО.
„Можеме ли да ги одвратиме руските напади? Да, можеме. Можеме ли да ги заштитиме нашите градови од руски ракети? Да, дефинитивно. Можеме ли да ја ослободиме нашата земја? Има 1.891 доказ за ова – тоа е колку села и градови веќе успеавме да ослободиме од руската окупација. Можеме ли да ја вратиме безбедноста во регионот на Црното Море и ситуацијата со храната во светот? Иницијативата за црноморско жито и хуманитарната иницијатива Зрно од Украина сведочат за нашата способност да го сториме тоа“, рече Зеленски за време на церемонијата на отворање на Минхенската безбедносна конференција преку видео врска, јавува дописникот на Укринформ.
Тој, исто така, посочи дека е дојдено времето Украина да стане полноправна членка на ЕУ.
„Мнозинството Европејци го поддржуваат членството на Украина. Ние веќе го добивме кандидатскиот статус и се подготвуваме да ги започнеме пристапните преговори. Веќе сме интегрирани во Европската економија во логистиката и енергетските области“.
Како што објави Укринформ, во петок, 17 февруари, холандскиот премиер Марк Руте е во работна посета на Украина.
Во тој контекст, претседателот на Украина увери дека членството на Украина во ЕУ и НАТО е неизбежно, како и победата во руската војна.
Подготви: Д. Мишев / ЦИВИЛ Медиа
