„Секогаш кога државата прави сериозен исчекор кон процесот на интеграција во ЕУ, секогаш ВМРО-ДПМНЕ се први да наштетат на тој процес. Задолжен за таквото штетно дејствување секако е Александар Николоски, докажан извор на лажни вести, демантиран од Обединетите нации и амбасади на пријателски држави“, реагираат од СДСМ.
„Наместо да пласира лажни вести, Николоски нека ја искористи посетата на Брисел, на европските пријатели да им објасни зошто неговата партија ширеше хистерија и организираше насилни протести против Европскиот предлог со кој државата ги започна преговорите за членство во ЕУ.
Потоа Николоски нека објасни и зошто неговата партија се противи на уставните измени важни за европската иднина на државата.
ВМРО-ДПМНЕ е партија заложник на Левица со која заедно дејствуваат против државните и националните интереси, секогаш на штета на граѓаните“, порачаа од СДСМ.
