Тренерот на Интер, Симоне Инзаги зборуваше за главната промена во тимот, а тоа е ефикасноста.
Интер вчеравечер ја победи Верона со 6:0.
– Главното нешто што се промени е тоа што ги претвораме нашите шанси и постигнуваме гол. Не можеме да зборуваме за друг Интер, денеска постигнавме шест гола, додека на неколку други натпревари не успеавме да постигнеме гол и покрај тоа што игравме добро. Се надевавме дека ќе го задржиме ваквиот тренд и во финалето на Купот на Италија и во полуфиналето на Лигата на шампионите. Можевме да одиграме подобро во првенството, но има уште натпревари пред нас и сакаме да завршиме меѓу најдобрите четири, изјави Инзаги за клупскиот сајт на Интер.
„Нероазурите“ се наоѓаат на 4. место во поредокот на италијанскиот шампионат со 60 бодови од 33 натпревари.
