„Дали 2000 амнестирани се доволно да се победи на избори, во случај и семејствата на амнестираните да гласаат и да бидат 18.000 амнестирани, пак не е доволно за победа на избори, а да не заборавиме дека не е аболиција, туку е амнестија и веќе одлежале дел од казната. Измените на КЗ се донесени во согласност и на власта и на опозицијата, да не сакаа да поминат ќе поднесеа илјадници амандмани“, рече новинарот и политички аналитичар Зоран Иванов во гостувањето во „Само Вистина“ на Канал 5.
„И да се врати Груевски го чека затвор. Ме зачудува зошто тие на кои им овозможи кариери и капител, сите се против него. Влегоа во вербална војна тројцата лидери на ВМРО-ДПМНЕ, камо среќа клопчето да се одмота и да си го извадат валканиот веш, па тогаш да видиме што ќе се случува. Личат на комшики што се расправаат“, вели Иванов.
Тој нагласува дека ВМРО-ДПМНЕ ја закопа Македонија на европскиот пат.
„ВМРО-ДПМНЕ ја закопа Македонија на европскиот пат. Јас сум првиот што не сака да влезат Бугарите во уставот, разочаран сум од македонските Бугари или како што јас ги викам Бугари во Македонија. Имаат еден куп здруженија и не се јавија еднаш да му пишат писмо на Радев дека овде живеат Македонци и не ги притискајте, еве како што бара ВМРО-ДПМНЕ некаква гаранција да добие за да не блокира. ВМРО-ДПМНЕ е партија со „НЕ“, може ли со некој да преговараш ако однапред знаеш дека ќе ти удира контра поради внатрешен партиски рејтинг. Нема подобро од Македонија проблемите да се решаваат во присуство со уште 26 земји членки и сите проблеми со Бугарија ќе се решаваат во присуство на членките, кои што умеат во дипломатијата па кога ќе наидеме на историски или образовен спор со нивните европски алатки да го измоделираат тоа за ние да поминеме“, истакна Иванов.
