Во моментов, вкупно 265 случаи на еколошки воени злосторства извршени од Русија се под истрага во Украина. Четиринаесет од нив се поврзани со екоцид, објави украинскиот јавен обвинител Андриј Костин на Х (Твитер).
6 листопада — Міжнародний день запобігання експлуатації довкілля під час війни та збройних конфліктів.
Масштаби російської агресії та її згубні наслідки для довкілля вимагають глобальної відповіді. Забруднення повітря, води та ґрунтів, знищення лісів та сільськогосподарських… pic.twitter.com/kbjpmiOxFV
— Andriy Kostin (@AndriyKostinUa) November 6, 2023
„6 ноември е Меѓународен ден за спречување на експлоатација на животната средина во војна и вооружени конфликти. Обемот на руската агресија и нејзиното разорно влијание врз животната средина бара глобален одговор“, напиша Костин.
Според неговите зборови, бројни воени злосторства против животната средина извршени за време на војната вклучуваат загадување на воздухот, водата и почвата, уништување на шуми и обработливо земјиште и напади на нуклеарни постројки. Нивните последици ќе ги чувствуваат луѓето во Украина и пошироко во наредните децении, бидејќи околината нема граници, нагласи Костин.
„Русија мора да сноси одговорност за ова и да ја компензира целата предизвикана штета. Во моментов, Украина истражува 265 случаи на воени злосторства во животната средина. Од нив 14 се поврзани со екоцид“, истакна украинскиот Јавен обвинител.
Според Костин, ова е предизвикувачка задача, бидејќи оваа област долго време остана главно нерегулирана со меѓународното право, а Украина е пионер во многу области.
„За среќа, не сме сами. И ние сме благодарни на сите нашите меѓународни партнери, украинските колеги и граѓанските организации кои не поддржуваат на овој пат“, додаде Костин.
Како што пренесува Укринформ, според заменик-министерката за заштита на животната средина и природни ресурси на Украина, Олена Крамаренко, проценката на штетата предизвикана на Украина од руската вооружена агресија може да трае 20-30 години.
Подготви: Ј. Ѓ.
