Поранешниот вицепремиер за ЕУ интеграции, Бојан Маричиќ во своето обраќање на панелот „Подемот на крајно десничарскиот национализам“ вели дека национализмот не е нешто ново во Западен Балкан.
Маричиќ потенцира дека кога наративот за европска перспектива не фунционира тогаш настапува десничарскиот наратив. Тој додава дека во овој момент во Украина, Грузија и Молдавија, се води политичката битка која станува битка на општеството.
„Нема да го решиме предизвикот ако не дојдеме до коренот на проблемот. Десничарската политика се крепи од емоцијата на луѓето.
„Кај нас десничарите ги придобија граѓаните кои имаат неразрешени емоции, кои сметаат дека се изиграни од ЕУ и од Владата.
ЕУ наративот кој е во насока на прошерување е на прогресивните сили, десничарските влади имаат страв отворено да се откажат од ЕУ“, вели тој.
Тој додава дека во иднина треба прогресивните сили да бидат подготвени за борба, но не на насилство, туку борба да се освојат срцата на луѓето и да им се објасни дека иднината е во ЕУ.
„Ако можат во Грузија во вакви улови да се борат со екстремната десница, тогаш ние во Блаканот мораме уште повеќе да се бориме против радикалниот национализам. Мора да имаме јасен план за приклучување кон ЕУ“, рече Маричиќ.
Бојан Маричиќ е хонорарен консултант и граѓански активист со долгогодишно искуство во политиката и граѓанското општество. Од јануари 2022 до јуни 2024 година беше вицепремиер за европски прашања и главен преговарач со ЕУ. Претходно, тој беше министер за правда (2020–2022) и советник за евроатлантска интеграција (2017–2020). Тој беше извршен директор на Еуротинк (2013–2017) и е автор на над 20 публикации за интеграцијата во ЕУ.
Панелот е дел од Меѓународната конференција „Одбрана на демократијата и човековите права“ во Скопје, која е дел од програмата на Неделата на човекови права – иницијатива на Владата на Северна Рајна-Вестфалија.
Конференцијата се состои од четири сесии, во кои учествуваат повеќе од 25 учесници од Северна Македонија, регионот, Европа и САД, како и изложба и штандови со изданија на организацијата која оваа година одбележува 25 ГОДИНИ од основањето.
