Продолженијата привлекоа најголема публика во 2024 година. Од топ 10 филмови со најголема заработка наведени од Box Office Mojo, девет беа продолженија, а другиот беше приквел (ретропродолжение).
Резултатите за секој од филмовите, што ги објави Forbs, се до последниот викенд од 2024 година, 27-29 декември.
Преглед на првите 10 филмови со најголема заработувачка на светскиот бокс офис во 2024 година.
10: Beetlejuice Beetlejuice – 451.1 милиони долари ширум светот
Beetlejuice Beetlejuice – долгоочекуваното продолжение на режисерот Tim Burton на натприродната комедија од 1988 година, класиката Beetlejuice со Michael Keaton, Winona Ryder и Catherine O’Hara – беше објавена од Warner Bros во кината на 6 септември.
Со Jenna Ortega, Monica Bellucci, Justin Theroux, Willem Dafoe и Danny DeVito во главните улоги, Beetlejuice Beetlejuice заработи 294.1 милиони долари во САД и 157 милиони долари на меѓународно ниво за заработка од 451 милион долари на светскиот бокс офис.
9: Venom: The Last Dance – 476.3 милиони долари ширум светот
Третиот и веројатно последен филм во трилогијата Venom на Sony Pictures Entertainment, во кој Tom Hardy го глуми Eddie Brock/Venom, беше прикажан во кината на 25 октомври.
Улогите ги толкуваат и Juno Temple, Chiwetel Ejiofor, Rhys Ifans и Stephen Graham, Venom: The Last Dance заработи 139.7 милиони долари на бокс офисот во САД и 336.6 милиони на меѓународно ниво.
8: Kung Fu Panda 4 – 547.6 милиони долари ширум светот
Kung Fu Panda 4 – со гласовите на Jack Black и Awkwafina – беше објавен во северноамериканските кина од Universal Pictures на 8 март.
Исто така, со гласовите на Bryan Cranston и Viola Davis, Kung Fu Panda 4 заработи речиси 193.6 милиони долари во САД и 354 милиони долари на меѓународно ниво.
7: Godzilla X Kong: The New Empire – 571.7 милиони долари ширум светот
Петтото поглавје на Warner Bros. MonsterVerse, Godzilla x Kong: The New Empire беше прикажан во кината во САД на 29 март.
Главните улоги ги толкуваат Rebecca Hall, Dan Stevens и Brian Tyree Henry, Godzilla x Kong: The New Empire заработи 196.3 милиони долари во САД и 375.4 милиони долари на меѓународно ниво.
6. Wicked – 634.3 милиони долари ширум светот
Wicked — приквел на The Wizard of Oz — е единственио филм на листата на топ 10 филмови со најголема заработка во 2024 година, што не е продолжение. Wicked беше прикажан во кината на 22 ноември.
Во режија на Jon M. Chuи со Cynthia Erivo и Ariana Grande на главните улоги, Wicked заработи 424.2 милиони долари во САД и 210.1 милиони долари на меѓународно ниво до 29 декември.
5: Dune: Part Two – 714.4 милиони долари ширум светот
Пред да го игра Bob Dylan во A Complete Unknown, Timothée Chalamet отпатува назад во Аракис на 1 март за продолжението на Dune.
Во главните улоги играат и Zendaya, Rebecca Ferguson, Javier Bardem и Josh Brolin, Dune: Part Two, заработи 282.1 милиони долари на бокс офис от во САД и 432.3 милиони долари на меѓународно ниво.
4: Moana 2 – 882.5 милиони долари ширум светот
Auli’i Cravalho и Dwayne “The Rock” Johnson се враќаат како позајмувачи на гласовите на Moana и Maui во продолжението на анимираниот блокбастер на Disney, Moana од 2016 година.
Објавен во кината на 27 ноември, Moana 2 има заработено 394.6 долари во САД и 487.9 милиони долари на меѓународно ниво.
3: Despicable Me 4 – 969.1 милиони долари ширум светот
Шестиот филм од франшизата Despicable Me – кој вклучува два филма Minions – беше објавен во кината на 3 јули.
На главните улоги гласовите ги позајмуваат Steve Carell, Kristin Wiig, Will Ferrell и Pierre Coffin (како Minions), Despicable Me 4 заработува 361 милион долари во САД и 608.1 милиони долари на меѓународно ниво.
2. Deadpool & Wolverine – 1,338 милијарди долари ширум светот
Третиот филм од серијалот филмови на Ryan Reynolds – Deadpool го означува воведувањето на ликот во Марвеловиот филмски универзум на Disney преку банерот на компанијата 20th Century Studios.
Објавен во кината на 26 јули, на поранешниот антихерој на 20th Century Fox, Deadpool, му се придружува поранешниот суперхерој на X-Men на Fox, Wolverine (Hugh Jackman) и голем број други ликови од филмовите на Fox за Marvel во споредни и камео улоги.
Во режија на Shawn Levy, Deadpool & Wolverine заработи 636.7 милиони долари на домашниот бокс офис во САД и 701.3 милиони долари на меѓународно ниво.
1. Inside Out 2 – 1,698 милијарди долари ширум светот
На главните емоции од Inside Out – предводени од Joy – радост (гласот на Amy Poehler) – им се придружуваат нови емоции, вклучувајќи ги Anxiety – анксиозност (Maya Hawke) и Envy – завист (Ayo Edibiri) за продолжението на добитникот на Оскар за најдобар анимиран филм во 2015 година.
Inside Out 2 од Disney, кој беше прикажан во северноамериканските кина на 14 јуни, заработи 652.9 милиони долари на домашно ниво и 1.045 милијарди долари на меѓународно ниво.
Подготви: Б. Т.
