Полицијата во Јужна Кореја добила барање за апсење на отповиканиот претседател Јун Сук-јеол, јави денеска новинската агенција Јонхап.
Десетици истражители од Канцеларијата за истраги на корупција кај високи функционери (CIO) во петокот се обиделе да извршат судска наредба за притвор на Јун, откако тој игнорирал три повици за распит во врска со неговиот неуспешен обид за воведување воена состојба на 3 декември.
Полицијата допрва треба да одлучи дали ќе соработува со барањето на CIO, а Канцеларијата планира да побара продолжување на наредбата пред нејзиното истекување на полноќ (15:00 по Гринич).
Адвокатот на Јун ја критикуваше одлуката за делегирање на апсењето, споредувајќи ја со „потпишување подизведувач за градежен проект“.
Протести против и за поддршка на отповиканиот претседател се одржуваат пред претседателската резиденција во Сеул.
Собранието го отстрани Јун од функцијата до понатамошно известување, обвинувајќи го за злоупотреба на власт и бунт. Уставниот суд ја разгледува оваа одлука.
