Некои уметнички дела се дизајнирани да траат вечно. Уметничката инсталација на бразилската уметница Неле Азеведо, не е такво уметничко дело.
Азеведо направи импресивна уметничка инсталација насловена „Животот е краток, уживајте во него пред да се стопи“, каде како протагонисти користела ледени блокови. Скулптурите, создадени во сложени и ефемерни форми се дизајнирани да се топат полека, симболизирајќи ја кревкоста на постоењето и потребата да се негува секој момент.
Инсталацијата се обиде да создаде рефлексија не само за непостојаноста на животот, туку и за влијанието на климатските промени, во кои таа верува, покажувајќи како нешто навидум цврсто може да исчезне со текот на времето.
Азеведо е позната по тоа што ваја човечки фигури од мраз и ги поставува на јавни места за сите да ги видат.
Нејзината последна инсталација беше во соработка со Coors Light, во нејзиниот роден град Сао Паоло.
Тоа е неверојатна глетка – стотици мразулци во човечка форма навидум висеа за момент во времето, а светлата се рефлектираат од нив додека полека се топат. Додека тие нежно се вртат и се нишаат, водата што им дава облик капе во тенџериња и тави долу, додавајќи звучен елемент што станува погласен – додека не ги снема.
Ј. Ѓ.
