Во руските ракетни напади врз градот Добропилија во источна Украина во текот на ноќта загинаа најмалку 11 лица, а ранети се 37, меѓу кои пет деца, соопшти украинското Министерство за внатрешни работи.
Тројца цивили се убиени во напад со беспилотно летало врз регионот Харкив на североисток, додаде Министерството за внатрешни работи.
Тие посочија дека руските сили ја нападнале Добропилија со неодреден број проектили, вклучително и балистички ракети и беспилотни летала. Оштетени се осум катни згради и 30 автомобили.
„За време на гаснењето на пожарот, окупаторите повторно удрија и оштетија противпожарно возило“, напиша Министерството на социјалните мрежи.
Добропилија, град со предвоено население од околу 28.000 жители, се наоѓа во источниот регион Доњецк, 22 километри северно од главниот град Покровск, кој руските трупи го напаѓаат со недели.
