Британскиот премиер Кир Стармер во сабота, 15 март ќе биде домаќин на виртуелниот втор состанок на светските лидери за прашањата за Украина, јавија светските агенциии, повикувајќи се на владин портпарол.
Тоа ќе биде продолжение на самитот во Лондон овој месец, кога британскиот лидер најави создавање на „коалиција на подготвени“ земји за поддршка на Киев, забележуваат агенциите.
„Можете да очекувате дека премиерот ќе биде домаќин на втор состанок на лидерите на „коалицијата на подготвени“ надоврзувајќи се на самитот на кој тој беше домаќин во Ланкастер Хаус“, им рече портпаролот на новинарите, имајќи ја предвид средбата во Лондон на 2 март.
