Новиот состав на германскиот Бундестаг денеска ќе се состане за првпат, јави ДПА.
Новите пратеници, кои беа избрани на парламентарните избори на 23 февруари, се очекува да изберат претседател на Бундестагот.
Традиционално, претседателот на долниот дом на германскиот парламент станува претставник на најголемата пратеничка група, која во сегашниот состав на парламентот е Христијанско-демократската унија и нејзината сестринска партија од покраината Баварија, Христијанско-социјалната унија.
Претседателот на Бундестагот е втор по важност во германската државна хиерархија по сојузниот претседател.
