Премиерот Христијан Мицкоски изјави дека доколку опозицијата се согласи, ние (власта) сме секогаш подготвени за предвремени парламентарни избори, но додаде: „Не сум сигурен дека целата опозиција бара предвремени парламентарни избори“.
Но, дали оваа промена на ставот на премиерот од „нема да има предвремени избори“ – до „сме подготвени“ е алиби за да го оттргнеме вниманието од истрагата за кочанската трагедија?
– Како и секогаш, понекогаш тежината на ВМРО-ДПМНЕ е голема во гласачкото тело, а не во владеењето. Така било отсекогаш со оваа партија, а неодамнешната трагедија во Кочани ќе смени многу работи. Тоа е затоа што бара соодветна истрага, бидејќи тоа е трагедија без преседан. Колку и да бара власта да ја обвини претходната власт, сепак стигнува до степен оваа власт да сноси подеднаква одговорност. Предвремените избори претходно не беа во плановите на премиерот, но сега изгледа се согласува со нив. Повеќе според мене е дека ВМРО ДПМНЕ веќе не е толку силна како пред 9 месеци. Уште повеќе кога многу работи веќе функционираат против нив и против владата воопшто, која не ги дава резултатите што ги очекуваат граѓаните, изјави за Фронтлајн, Урим Салиу – политички аналитичар.
За разлика од Салиу, политичкиот аналитичар Ќенан Алиу смета дека доколку политичките партии се согласат да се одржат предвремени парламентарни избори, тоа воопшто нема да ја попречи истрагата за трагедијата во Кочани.
– Премиерот иако ја провоцира опозицијата вели дека се подготвени. Но, ако надлежните го развијат процесот за трагичниот случај во Кочани, нема причина да има некаков дефокус. Надлежните органи се тие кои имаат обврска да продолжат со истрагата до крај согласно позитивните закони и тоа е тоа. Згора на тоа, во земјава сè уште нема консолидирана опозиција за вонредни избори, тие се веќе симнати од тронот. Второ, во Северна Македонија, според уставот, постои само една можност за предвремени/вонредни избори, а тоа е доколку Собранието со мнозинство гласови гласа за самораспуштање. Кој пратеник би гласал за ова по осум месеци мандат? Значи само парламентарно мнозинство може да ја испрати земјата на предвремени избори. Но, тоа не треба да се прави за партиски политички калкулации, предвремени избори треба да се спроведуваат само во длабоки политички или уставни кризи, анализира Алиу.
Дестан Јонузи
