Ракометарите на Вардар 1961 го победија Алкалоид со 34-26 (15-13) на стартот на плеј-офот во Суперлигата. Пред почетокот дуелот во СЦ „Јане Сандански“ имаше минута молк за настрадатените од пожарот во Кочани.
„Црвено-црните“ одиграа подобро, особено во второто полувреме и сосема заслужено со триумф ја отворија клучната фаза во ракометната Суперлига и сигурно ќе бидат главен претендент за титулата оваа сезона.
Вуко Борозан со девет гола беше најефикасен кај победниците, додека голманот Мигел Еспиња имаше 14 интервенции за вардарци. Кај Алкалоид со осум гола заврши Мартин Серафимов.
Денеска се одигра уште еден меч од првото коло од плеј-офот, откако ГРК Охрид победи на гости кај Бутел со 22-20. Еурофарм Пелистер утре гостува кај Тиквеш.
Во следното коло Вардар ќе игра со Бутел, а пулените на Кирил Лазаров го пречекуваат Тиквеш.
