Во непосредна близина на тетовскиот плоштад почна да функционира Инфо центар за туристи и посетители. Освен за информации во овој привремен објект се нудат и сувенири и промотовни материјали за градот Тетово и знаменитостите во околината.
– Денес сме тука во центарот на Тетово за да промовираме овој туристичко информативен центар, со што општина Тетово конечно станува дел од туристичката мапа и станува налик на европски град. Овој центар ќе биде отворен секој ден од 8 до 18 часот. За понатаму, ако има потреба да може да се продолжи работното време, истакна градоначалникот Биљал Касами
Ќе се промовираат материјали за Тетово за сместувачките капацитети, хотели, за рестораните.
– Исто така ќе можат да се промовираат и занаетчиските производи на локалните мали занаетчии и други промотивни материјали, како што се слики и фотографии со пејзажи, мотиви од Тетово и Попова, Шапка и Шар Планина. Со ова цениме дека придонесуваме на бројот на посетителите и туристи на Тетово да се зголеми и полека на овој начин Тетово да стане европски град, рече Касами.
На новинарските прашања кои чекори ги презема општината за да ја унапреди можноста Тетово да биде посетен од туристи, Касами посочи дека се подготвени за се што се однесува на зачувување и промоција на културното наследство.
-Освен на објектите кои се од јавен интерес, ние сме во блиска комуникација и со верските институции за да ги промовираме и верските и сакралните објекти. Денес беа поканети тука од 2 институции од исламската верска заедница и од православната црква. Ние сме заинтересирани целото богатство културно на Тетово да го промовираме пред туристите. Арабати Баба Теќе, како и Калето имаат проблеми во делот на имотно правните односи таму, а и не сме ние како општина немаме надлежност директно да интервенираме, рече Касами.
