Претседателот на Република Српска, Милорад Додик за австрискиот „Профил“ изјави дека се бори за правата на својот народ, но дека против него и некои српски политичари се христијанин Шмит и муслимани „кои би претпочитале да го стават српскиот народ во концентрационен логор како во Втората светска војна“.
„Во тоа време, многу муслимани, заедно со Хрватите во редовите на фашистичките усташи, ги прогонуваа Србите. Муслиманите во Босна и Херцеговина повторно сакаат војна. Тие сакаат да доведат џихадисти тука и да го спроведат шеријатскиот закон. И очигледно тоа им одговара на некои луѓе во Европа“, рече Додик, додавајќи дека не би сакал никој никогаш повторно да мора да доживее војна.
На прашањето што ќе се случи ако некој се обиде да го уапси, Додик одговори дека Република Српска има структури, институции, свои полициски сили, оддел кој се занимава со заштита на одредени лица и дека тој е едно од тие заштитени лица.
„Република Српска е стабилен систем, не е група бунтовници“, нагласи претседателот на Српска.
Тој повтори дека Босна и Херцеговина мора да се распадне бидејќи тоа не е одржливо и истакна дека луѓето кои не сакаат да живеат заедно-живеат заедно во Босна и Херцеговина.
„Не можете да нè натерате во илузија наречена Босна и Херцеговина. Не можете да нè натерате да престанеме да ја сакаме Србија. Босна и Херцеговина е ненаситна нација која се храни со илузии од Брисел“, вели Додик.
Д. Т. / Цивил Медиа
