Најмалку десет лица се убиени во училиште во Грац, Австрија. Пукањето се случило непосредно пред 10:00 часот по локално време во средното училиште „Драјершуценгасе“ во Австрија, пренесува Би-Би-Си.
Неколкумина се тешко повредени, ученици и најмалку еден возрасен се убиени, а сторителот е меѓу загинатите, според полицијата.
Училиштето е обезбедено и во тек е голема полициска операција.
Осомничениот сторител бил 21-годишен Австриец од областа Грац. Тој се самоубил во бањата во училиштето, соопшти локалната полиција.
21-годишникот бил поранешен ученик во училиштето каде што се случил нападот, но не го завршил школувањето, рече Карнер.
Во нападот биле употребени два пиштоли, соопшти полицијата.
Двете огнени оружја биле легално во сопственост на осомничениот напаѓач, кој имал и дозвола за огнено оружје.
Три дена жалост ќе биде одбележана низ цела Австрија, а минута молчење низ целата земја ќе се одржи утре во 10:00 часот по локално време.
Сè уште не се знае кој бил мотивот.
Поврзано:
