Прворангираните здравствени работници на конкурсите да имаат законско право да се вработат, а не за нив дискреционо да одлучува директорот, предвидува Предлог законот за дополнување на Законот за здравствена заштита што Левица денеска го поднесе во Собранието.
Пратеничката Јована Мојсовска појасни дека со овој предлог закон ќе се стави крај на партиските вработувања.
-Во постоечкиот Закон за здравствена заштита поради правна недореченост при вработување на здравствени работници, директорот на здравствената установа има дискреционо право да одлучи кое лице ќе биде вработено. Наместо најдоброрангираните кандидати, во пракса често сведочиме како прворангирани кандидати се одбиени за работа, додека се вработуваат кандидати кои се пониско рангирани, со што значително се загрозува професионалноста и стручноста на еден витален сектор како што е здравството, истакна Мојсовска.
Појасни дека предлагаат измена на членот 161 од Законот за здравствена заштита, каде на здравствените установи ќе им се наложи да го изберат најдобриот кандидат согласно редоследот на ранг-листата.
-Последен пример каде прворангиран кандидат беше одбиен за работа е пред само еден месец во здравствената установа во Вевчани, каде при оглас за вработување на медицински сестри, најдобриот кандидат скандалозно бил одбиен за вработување Поради ваквите свесно креирани лоши законски решенија, нашите најдобри лекари и медицински сестри денес лечат во Германија и другите европски држави, само поради тоа што во Македонија партиската книшка е повреднувана од стручноста и професионалноста, Истакна Мојсовска.
Според неа, ваквото лошо законско решение создава силна партизација, која е рак рана на македонското општество, а како што рече, државата стимулира излив на медицински кадар кој е дефицитарен.
Мојсовска апелира владејачкото мнозинство да ја надмине својата партиска суета и да го поддржи овој предлог-закон на Левица.
Пратеничката група на Левица ќе поднесе иницијатива за разрешување на претседателката на Државна комисија за спречување на корупцијата, информираше Мојсоска појаснувајќи дека во Законот за спречување на корупција, член 14, изричито се предвидува дека претседателката на антикорупциска комисија може да се разреши доколку престанале да важат условите од член 11 од истиот закон.
-Во Член 11 се условите кои треба да ги исполнува председателката на антикорупциска комисија за да стане председател на ДКСК. Меѓу едни од условите во член 11 е тоа дека не смее да и биде изречена мерка за забрана за вршење на професија. Во овој момент на претседателката на Комисијата, Татјана Димитровска и е изречени мерки за забрана завршење на професија, нели таа повеќе од два месеца не оди на работа и токму тука ја наоѓаме законската основа во овој случај, да ја поднесеме нашата иницијатива до Комисијата за прашања на изборите и именувањата, појасни Мојсоска
Според неа постоечкиот Закон за ДКСК премногу ги штити функционерите на Комисијата и додава дека би требало да се разгледа можноста да се реформира тој Закон каде, како што рече, ќе се зголеми отчетноста и одговорноста на овие избрани функционери.
