Под превезот на градинка и училиште е донесен криминален детален урбанистички план во Ѓорче Петров кој вклучува дваесеткатници и хемиски фабрики, истакна во гостување во „Студио 10“ на ТВ24 кандидатот за градоначалник на Ѓорче Петров од СДСМ, Костадин Ацевски.
– Каде е основното училиште за населбата „Александрија“? Под превезот на градинка и училиште донесоа криминален ДУП. По две мислења од Град Скопје, од два различни градоначалници, едното во времето на Шилегов и другото во времето на Данела Арсовска, значи две различни комисии му даваат негативно мислење за ДУП-от за предвидените дваесеткатници.
Стојкоски распишува нова јавна анкета, по забелешките на Град Скопје ја намалуваат катноста, за потоа да прифатат забелешка, да ја вратат катноста без јавна анкета и без мислење од Град Скопје, објасни Ацевски и истакна дека сите процедури се прекршени при носењето на овој детален план.
– Што ќе каже за повлечената согласност од Водовод за тој ДУП и укажувањето како тој ДУП директно ќе го загрози водоснабдувањето на Град Скопје. Процедурите се прекршени. И во Кочани дискотеката ги имала сите дозволи па видовме што се случи, вели Ацевски.
