Во соработка со дизајнерите и уметничките директори од Уметничкиот институт на Чикаго, компанијата PANTONE го претвори сивиот Сеул во вистинско уметничко платно за време на монсунската сезона. Проектот, наречен „Project Monsoon“, има за цел да внесе боја и радост на улиците на градот кога дождот го прекрива секој агол.
Креативниот тим ги обоил улиците со хидрохроматска боја – специјален вид боја што од проѕирна станува шарена кога ќе се навлажни. Кога ќе започнат дождовите, под капките вода се појавуваат впечатливи мурали инспирирани од јужнокорејската култура и традицијата што ја слави реката и нејзиниот елегантен тек.
Она што во почетокот изгледа како обична сива улица, за миг се претвора во живописна уметничка сцена, носејќи насмевки и боја во секојдневието на жителите на Сеул. Со овој проект, PANTONE уште еднаш покажува како уметноста и креативноста можат да го променат начинот на кој го доживуваме градот – дури и за време на најдождливите денови.
Редакција Фронтлајн
