Двократната оскаровка Џоди Фостер откри едноставна, но доследна навика што ја практикува со децении – трик што, како што вели, ѝ заштедува време и ѝ носи чувство на контрола во секојдневието.
Во неодамнешно интервју за рубриката Movies for Grownups на AARP, 63-годишната актерка зборуваше за својата вечерна рутина во пресрет на премиерата на нејзиниот нов филм Приватен живот.
Мал ритуал со голем ефект
Фостер открива дека секоја вечер, пред да си легне, однапред ја подготвува облеката за следниот ден.
„Секоја вечер пред спиење ја бирам облеката за наредниот ден. Тоа го правам целиот живот – дури и ако станува збор само за тренерки за во теретана“, вели таа. „Не сакам да губам време. Сакам работите да бидат ефикасни и економични.“
Враќање на големото платно
Филмот Приватен живот означува нејзино враќање во кината по биографскиот филм Nyad од 2023 година. Во новото остварување, Фостер толкува американска психоаналитичарка која живее во Франција и чиј свет почнува да се распаѓа по ненадејната смрт на еден од пациентите.
Актерката, која од 2014 година е во брак со Александра Хедисон, признава дека улогата ѝ претставувала посебен предизвик – целиот филм е снимен на француски јазик. Иако има стан во Франција, поголемиот дел од времето сè уште го поминува во Лос Анџелес.
Внатрешна пресвртница во шеесеттите
Во истиот разговор, Фостер отворено проговори и за личните дилеми поврзани со успехот и годините. Таа признава дека дури во своите 60-ти почнала вистински да ужива во сѐ што постигнала.
„Педесеттите ми беа тешки“, вели таа. „Постојано имав чувство на неуспех. Мислев дека треба да направам нешто значајно, а не правам. Си велев дека не го исполнувам сопствениот потенцијал – дека не можам да се натпреварувам со моето помладо јас.“
Сепак, со навршувањето на 60 години нешто се сменило.
„Како да ми се вклучи светло во главата“, додава Фостер. „Одеднаш сфатив: не ми е гајле. Ништо од ова повеќе не ме оптоварува. И денес навистина не знам зошто ми беше толку важно порано.“
