Министерството за правда на САД објави илјадници документи поврзани со осудениот сексуален престапник и обвинет трговец со луѓе, Џефри Епштајн, во потег што со месеци беше најавуван и под силен притисок од Конгресот. Иако документите не ја открија целата архива, тие сепак отворија сериозни прашања.
Петте клучни заклучоци според Си-Ен-Ен од објавените фотографии и документи од Министерството за правда на САД:
1. Администрацијата не го испочитува законот и дополнително ја продлабочи недовербата
Иако Конгресот јасно наложи целосно објавување на досиејата во рок од 30 дена, Министерството за правда не ги објави сите документи навреме. Дополнително, голем дел од материјалите беа силно и нерамномерно редактирани – понекогаш исти информации се појавуваат цензурирани во еден документ, а целосно видливи во друг. Ова предизвика реакции и кај демократите и кај дел од републиканците, кои оценија дека објавата не го исполнува духот на законот. Во политичка смисла, ваквиот пристап само ја зајакна перцепцијата дека државата крие информации.
2. Документите силно го истакнуваат Бил Клинтон
Во првиот пакет доминираат фотографии и материјали поврзани со поранешниот претседател Бил Клинтон, вклучително и досега необјавени слики. Белата куќа и Министерството за правда јасно го насочија вниманието кон „демократските пријатели на Епштајн“. Сепак, важно е дека Клинтон никогаш не бил обвинет за кривично дело поврзано со Епштајн, а неговите контакти со него се одамна познати и документирани. Клинтоновиот тим оценува дека ваквиот фокус служи како политички чадор за она што сè уште не е објавено.
3. Забележително отсуство на Доналд Трамп
Иако Доналд Трамп и Епштајн имале блиско дружење во 1990-тите и раните 2000-ти, неговото име и лик се појавуваат изненадувачки ретко во првиот пакет документи. Постојат фотографии и спомени од порано објавени извори, како и податоци од телефонски именици и летови, но нови, експлицитни материјали речиси и да нема. Ова отвори прашања дали материјалите поврзани со Трамп се оставени за подоцнежни објави или воопшто нема да бидат дел од јавниот увид.
4. Потврда дека институциите знаеле уште во 1990-тите
Еден од најтешките моменти во документите е потврдата дека федералните власти биле алармирани за Епштајн уште во средината на 1990-тите. Документ од ФБИ од 1996 година покажува дека преживеана жртва поднела пријава за детска порнографија и закани. И покрај тоа, ќе поминат речиси 25 години пред Епштајн да се соочи со сериозни обвиненија. Ова ја засилува тезата дека системот не само што потфрлил, туку и свесно дозволил злосторствата да продолжат.
5. Сè повеќе познати личности се појавуваат – без докази за кривични дела
Новите документи повторно вклучуваат фотографии и имиња на познати личности – меѓу нив Мајкл Џексон, Дајана Рос, Волтер Кронкајт, Лери Самерс, Стив Бенон и други. Во ниту еден случај нема докази за незаконско однесување, но самата појава во материјалите создава јавен и професионален притисок. Дел од нив веќе се повлекоа од јавни функции или позиции, признавајќи дека нивната поврзаност со Епштајн, иако легална, била сериозна морална грешка.
Фотографии од првата серија објавена од Министерството за правда на САД:
Фотографии во имотот на Џефри Епштајн, вклучувајќи една од Доналд Трамп долу лево.
Сара Фергусон на делумно редактирана фотографија.
Бил Клинтон на делумно редактирана фотографија.
Ричард Бренсон и Џефри Епштајн на делумно редактирана фотографија.
Гислејн Максвел и Крис Такер на делумно редактирана фотографија.
Гислејн Максвел и Дејвид Коперфилд
Гислен Максвел и поранешниот принц Ендру на делумно редактирана фотографија.
Бил Клинтон на делумно редактирана фотографија.
Бил Клинтон, Мик Џегер и Гислен Максвел.
Џефри Епштајн и Мајкл Џексон.
Бил Клинтон, Кевин Спејси (втор од десно) и Гислен Максвел.
Џефри Епштајн на делумно редактирана фотографија.
Крис Такер
Мик Џегер и Бил Клинтон на делумно редактирана фотографија
Бил Клинтон и Џефри Епштајн
Редакција Фронтлај
