Тимоти Шаламе со години гради репутација на актер кој целосно се посветува на своите улоги, а неговата најнова изведба во филмот на A24, Marty Supreme, можеби е и неговиот најфизички напорен ангажман досега.
Шаламе не е странец на интензивна подготовка. За неговата пробивна улога во Call Me by Your Name (2017), тој научи италијански јазик и како да свири клавир и гитара, што му донесе прва номинација за Оскар. Минатата година, за улогата на Bob Dylan во A Complete Unknown, повторно ја зеде гитарата, научи да свири усна хармоника и земаше часови по пеење – напор што резултираше со уште една номинација за Оскар.
Со Marty Supreme, Тимоти Шаламе се соочи со сосема поинаков предизвик, совладување на пинг-понг на ниво доволно убедливо за високо-напонска спортска драма. Покрај тоа што рапува во филмот, актерот помина низ обемна обука за сам да ги изведе сите сцени од спортот, без користење каскадер.
„Тој беше исклучително посветен ова да биде на исто ниво на квалитет како и остатокот од филмот,“ вели Diego Schaaf, пинг-понг инструктор на филмот. Schaaf пораснал играјќи го спортот во Швајцарија, а претходно работел и на филмови како Forrest Gump, Balls of Fury и серијата Friends.
До моментот кога Schaaf официјално се приклучил на проектот, Шаламе веќе бил далеку над очекувањата. Актерот со години тајно тренирал додека работел на проекти како The French Dispatch, Wonka и Dune: Part Two. „Кога дојде на пробите, неговото ниво на умешност беше навистина импресивно,“ вели Schaaf.
Дополнителна поддршка во подигањето на изведбата дала сопругата на Schaaf, Wei Wang олимпијка на САД во пинг-понг. Заедно, тие работеа интензивно со Chalamet минатото лето за да ја усовршат неговата техника – не според современите стандарди, туку според специфичниот стил од 1950-тите.
„Моравме механиката на ударите да ја доведеме на светско ниво од тој период,“ објаснува Schaaf. „Тоа е сосема поинаку од начинот на кој се игра денес.“ Ова значело дека Тимоти Шаламе морал да ги „одучи“ модерните техники и да прифати побрз и поинаков стил, соодветен за времето.
Според Schaaf, танчерското искуство на Шаламе било голема предност. „Веднаш разбра како треба да се движи,“ вели тој. „Но, исто така, сакаше сè да биде совршено. Дури и кога ќе го погодеше вистинскиот удар, ќе речеше: ‘Ајде уште еднаш.’“
Посветеноста на Шаламе не поминала без ризици. На њујоршката премиера на филмот претходно овој месец, Safdie откри дека актерот „речиси го изгубил окото“ за време на снимањето. Иако деталите не беа споделени, Шаламе претходно изјави дека носел контактни леќи за да си го „расипе“ видот и да може да носи вистински очила за препознатливиот изглед на ликот – што довело до сериозна инфекција на окото.
Истата таа „сè или ништо“ филозофија ја обележа и необичната промотивна кампања на Тимоти Шаламе.
(ФОТО/ВИДЕО) Како Тимоти Шаламе и A24 ја редефинираат филмската промоција за „Marty Supreme“
За Schaaf, надежта е дека Marty Supreme ќе го насочи вниманието кон спорт кој често е потценет. „Луѓето не сфаќаат колку многу нивоа постојат во пинг-понг,“ вели тој. „Колку повеќе напредуваш, толку повеќе сфаќаш колку малку знаеш.“
Marty Supreme моментално се прикажува во кината, а по завршувањето на кино-дистрибуцијата се очекува да биде достапен за дигитално изнајмување или купување на почетокот на 2026 година. Подоцна, филмот најверојатно ќе пристигне и на стриминг-платформи, според вообичаената дистрибуциска пракса на A24.
