По речиси две децении заеднички живот, Никол Кидман и Кит Урбан и официјално го финализираа својот развод. Барањето за развод било одобрено вчера, на 6 јануари, со што за еден од најпознатите холивудско-музички парови започнува ново животно поглавје.
Глумицата и музичарот се разделиле кон крајот на септември 2025 година, а ѕвездата на филмот Babygirl како причина за прекин на бракот навела „непомирливи разлики“, пишува Harper’s Bazaar.
Љубовна приказна долга речиси 20 години
Никол Кидман и Кит Урбан се запознале во 2005 година на гала-вечер посветена на Австралијците во американската индустрија за забава. Нивната врска брзо прераснала во сериозна љубов, а парот се венчал во јуни 2006 година.
Една година подоцна се преселиле во Нешвил, а во 2008 година ја добиле првата ќерка, Сандeј Роуз. Подоцна се родила и нивната втора ќерка, Фејт Маргарет. Во текот на годините, Кидман и Урбан јавно важеле за стабилен пар, меѓусебно поддржувајќи се низ бројни животни и професионални предизвици – од периодот на рехабилитација на Урбан и смртта на таткото на актерката, до неговите светски турнеи и нејзините значајни филмски признанија, вклучително и наградата за животно дело.
Брз и однапред договорен развод
Според судските документи до кои дошол TMZ, постапката за развод траела само три месеци. Причината за тоа е што поранешните сопружници ги договориле сите клучни детали уште пред Кидман официјално да го поднесе барањето.
Документацијата потпишана од судија во државата Тенеси покажува дека двајцата ја задржуваат сопствената имотна состојба, што укажува на тоа дека уште пред венчавката потпишале предбрачен договор.
Старателство над ќерките
Кога станува збор за нивните ќерки, Сандeј и Фејт, парот се откажал од алиментација и постигнал детален договор за заедничко родителство. Според договорот, Никол Кидман ќе поминува 306 дена годишно со децата, додека Кит Урбан ќе има 59 дена.
Двајцата се обврзале да посетуваат курсеви за заедничко родителство и се согласиле сите важни одлуки поврзани со воспитувањето и благосостојбата на децата да ги носат заеднички.
