Американскиот претседател Доналд Трамп денеска изјави дека не смета оти апсењето на рускиот претседател Владимир Путин „би било неопходно“, одговарајќи на новинарски прашања за време на состанок со директори на големи нафтени компании.
Изјавата уследи откако новинарите го прашаа Трамп дали би размислил за примена на исти мерки кон Русија какви што САД неодамна презедоа во Венецуела против претседателот Николас Мадуро.
DOOCY: Would you ever order a mission to capture Putin?
TRUMP: I don’t think it’s going to be necessary. I’ve always had a great relationship with him. I’m very disappointed. pic.twitter.com/5QD8HnQ65g
— Aaron Rupar (@atrupar) January 9, 2026
„Секогаш сум имал одличен однос со него. Многу сум разочаран. Завршив осум војни. Мислев дека оваа ќе биде некаде на средина или можеби една од полесните“, изјави Трамп, алудирајќи на војната во Украина.
Американскиот претседател додаде дека е оптимист во однос на можноста за постигнување договор за ставање крај на војната во Украина, без да навлезе во детали за евентуалните чекори или временска рамка.
