Драматичен вооружен грабеж, опишан како сцена од акционен филм, се случи денеска на југот на Италија, кога група разбојници нападна оклопно возило за транспорт на пари на автопатот меѓу Бриндизи и Лече, објавија повеќе италијански медиуми.
Според информациите, напаѓачите со неколку украдени автомобили го блокирале сообраќајот на автопатот, по што возилата биле запалени за да се спречи интервенција и бегство. Потоа, со употреба на експлозив, разбојниците ги разнеле задните врати на оклопното возило и се обиделе да пристапат до касата со пари.
Un furgone portavalori è stato assaltato sulla statale 613, la superstrada che collega Lecce a Brindisi, all’altezza di Tuturano. Ci sarebbe stato un conflitto a fuoco con i carabinieri. Non risulta che ci siano feriti. Nel video condiviso da Claudio Stefanazzi, deputato del… pic.twitter.com/F62VbFTLer
— Repubblica (@repubblica) February 9, 2026
Очевидци пријавиле дека напаѓачите биле тешко вооружени, меѓу другото и со автоматско оружје, а дел од автопатот бил целосно парализиран за време на нападот. Засега нема официјални информации за повредени лица, но полицијата потврди дека станува збор за високо организирана и координирана акција.
По грабежот, сторителите успеале да избегаат, а италијанските безбедносни служби започнаа голема потрага и истрага за идентификација на учесниците и утврдување на точната сума што била украдена.
Автопатот беше привремено затворен за сообраќај.
