Русија можеби изгубила околу 30.000 војници во Украина само во декември 2025 година, изјави поранешниот шеф на британската разузнавачка служба MI6, сер Ричард Мур, во интервју за Sky News.
Мур ја опиша оваа бројка како „запрепастувачка“, додавајќи дека загубите се исклучително високи и тешко надоместливи.
Поранешниот директор на MI6 направи споредба со советско-авганистанската војна, која траеше десет години, од 1979 до 1989 година, кога загинаа околу 15.000 советски војници.
Според него, Русија можеби изгубила двојно повеќе војници во еден месец отколку што Советскиот Сојуз изгубил во текот на целата војна во Авганистан.
„Загубите се страшни и дури и Русите ќе имаат тешкотии да надоместат такво ниво на загуби. Затоа и натаму катастрофално лошо се снаоѓаат на бојното поле“, изјави Мур.
Мур ги изнесе овие проценки во интервјуто за Sky News, осврнувајќи се на интензитетот на борбите и последиците за руската воена способност.
