Контроверзна сцена се случила за време на посетата на српскиот претседател Александар Вучиќ на градот Бор, кога една жена, по инсистирање на претседателот, јавно открила пред своето болно дете и присутните дека не му е биолошка мајка, објавија српските медиуми.
Инцидентот започнал кога Гордана Кариќ, корисничка на социјална помош, побарала збор за да укаже на административните проблеми со кои се соочува. Таа објаснила дека веќе девет месеци не прима никаква помош за болното дете, кое има сериозни срцеви проблеми и повеќе операции.
Наместо директен одговор за застојот во исплатите, Вучиќ изјавил дека институциите имаат процедури и дека Центарот за социјална работа ја проверува имотната состојба на корисниците, сугерирајќи дека можеби постојат законски причини за доцнењето.
Жената, видно вознемирена, изјавила дека нема имот освен куќата во која живеат и предупредила дека не може да зборува за сите детали пред детето, бидејќи тоа не ја знае вистината.
Сепак, според извештаите, Вучиќ инсистирал да ги изнесе сите информации за да може, како што рекол, „проблемот веднаш да се реши“. Под притисок, жената низ солзи открила дека детето всушност не е нејзино, туку дека таа е негова стрина која се грижи за него веќе 13 години, откако неговата мајка починала.
Žena govori da ne može priča pred detetom.
Monstrum insistira da mu se kaže u čemu je problem.
Žena pred detetom otkriva da mu ona nije majka nego da je staratelj i da mu je majka preminula.PAKAO pic.twitter.com/YN5taNB3iP
— Суки (@doktorzakrave) February 20, 2026
„Не ми дозволуваат да го посвојам. Јас сум му стрина, мајка му почина. Го чувам 13 години, ги исполнувам сите услови, а постојано ме одбиваат. Не сакав да дознае на ваков начин дека не сум му мајка“, изјавила таа.
По признанието, Вучиќ реагирал емотивно, наведувајќи дека процедурите се сложени, но ветил дека случајот ќе биде разгледан и дека жената ќе добие одговор во најкус можен рок.
Настанот предизвика силни реакции во јавноста и отвори прашања за начинот на кој институциите и јавните функционери постапуваат во чувствителни лични случаи.
