Традиционално трета година по ред во Зоолошката градина во Скопје ќе се одржува „Новогодишна Зоо Бајка“. Во пресрет на Нова година, најмалите ќе имаат можност да уживаат во детска претстава, а потоа и во доаѓање на Дедо Мраз со волшебното вовче. Сите деца ќе добијат подароци и пакетчиња, а влезот за настанот е 80 денари.
Како што соопшти Зоолошката градина-Скопје, „Новогодишната Зоо Бајка“ ќе се одржи денеска со почеток во 13:30. Настанот ќе биде по сите здравствени протоколи, безбеден за сите и на отворено. Носењето маска е задолжително.
