Утрово во 6:15 часот уште еден земјотрес бил почувствуван во Бановина, а потоа уште еден во 6:26. Епицентарот е во Лекеник, а јачината 4.9 степени по Рихтер.
„Многу луѓе не сакаа да ги напуштат своите домови и ноќта ја поминаа во автомобилите. Оние кои остаа без кров над глава се згрижени. Има 35-36 населби кои беа погодени од земјотресот и денеска ќе ги посетиме, најави градоначалникот на Глина, Стјепан Костањевиќ во утринската емисија Добро утро, Хрватска.
Тој рече дека помош пристига од сите страни.
„Некаде домовите се срамнети со земја, некаде се срушиле оџаците. Луѓето живеат во страв, треба да ја смириме ситуацијата. Не знаеме што носи денот, утрово имаше нови земјотреси и слушнаме рушење“, рече Костањевиќ.
Досега хрватските медиуми објавија за седум загинати, од кои петмина се од Глина.
„Ќе мора да обезбедиме долготрајно сместување за оние кои останаа без ништо, бидејќи обновата ќе трае долго“, додаде градоначлникот на Глина.
Извор: HRT.HR
