Попладневен преглед: Оваа Влада реформите ги спроведува низ принципот „прифаќаме отворено да дискутираме", наспроти принципот „одбиваме промени", МВР го растури карневалот во Вевчани...

Регистрирани 477 нови случаи на ковид 19, починати се 10 пациенти. Вкупната бројка на ковид дијагностицирани во нашата земја од почетокот на епидемијата изнесува 87.590, бројката на оздравени пациенти е 68.695, на починати е 2.657, а бројот на активни случаи изнесува 16.238.

Царовска: Во основата на образовната реформа се критичкото мислење, разбирањето и прифаќањето на различни, но добро аргументирани решенија. За време на дебатата поврзана со презентацијата на основите врз кои се подготвуваат образовните реформи, премиерот Заев и министерката Царовска потенцираа дека оваа Влада реформите ги спроведува низ принципот “прифаќаме отворено да дискутираме”, наспроти принципот “одбиваме промени”.

(ВИДЕО) МВР: Не се почитуваа мерките на карневалот во Вевчани, иако беше договорено. Од МВР сметаат дека со прекршувањето на овие мерки, се загрозува здравјето на граѓаните во услови на глобалната пандемија. Неофицијално, уапсени се повеќе лица, за што говорат и видеата на социјалните мрежи.

Филипче: Поставен модуларниот ковид-центар во Кичево со капацитет од најмалку 45 болнички легла. Исто така, посочува министерот, почнува и изведбата на втората фаза на новата болничка зграда.

Калеска Ванчева: Нема да го повлечеме Законот за попис од Собранието.Пописот во 2021 ќе биде спроведен согласно прописите на ЕВРОСТАТ, по сите меѓународни стандарди по кои се спроведува една важна статистичка операција. Сега имаме Електронски регистар на население кој ќе биде поврзан со уредите за попис, и податоците ќе бидат компарирани со податоците на други 10 институции.

Бочварски: Не може автопат без патарини и без алтернативен пат. Цената на патарините законски изнесува 2,57 денари по километар, без разлика дали се работи за еден или друг автопат, цената на патарините се исти, дали кон Гевгелија, Велес или Куманово. Автопатиштата се начин за побрзо и побезбедно движење на граѓаните и за нивно одржување потребно е за тоа да се плати. Граѓаните имаат и втора можност да патуваат преку Велес, или преку регионалните патишта каде нема патарина, рече Бочварски на денешната прес-конференција, коментирајќи ги реакциите дека цените на наплатните рампи наводно ќе бидат високи.

Македонските мировници во мисиите на НАТО, ЕУ и ОН со порака до Шекеринска. Ви благодарам што и во вакви услови и предизвици, Вие, најпрофесионално, најпосветено и најмотивирано ги извршувате вашите задачи, што покажува дека Северна Македонија останува сојузник од најголема доверба и во НАТО, но и во мисиите на ЕУ и Обединетите Нации, порача министерката Шекеринска.

Сè што треба да знаеме врзано со употребата на канабисот.

Обвинувањата на Левица кон градоначалникот Богоев не поминуваат повеќе и на социјалните мрежи. Во Фејсбук објавата Левица го обвинува Богоев за наводно трошење на општинските пари за сопствени потреби и анкета. Градоначалникот Богоев на тоа обвинение во коментар им одговара дека секоја сериозна институција, организација, деловен субјект прави квартални или годишни испитувања на јавното мислење и додава дека Општина Карпош е задолжена да правиме испитувања и согласно ISO стандардите по кои работи општината.

И.Т.З.

Пронајдена почината 87-годишна грчка државјанка во куќа во Битола

НАЈНОВО

Кабранов и Зенку анализираат: Жестока предизборна реторика, притисоци врз опозициските кандидати

Почнува новата сезона во Лигата на шампиони

Рубио најави можна средба меѓу Трамп и Зеленски во Њујорк следната недела

НАЈЧИТАНО

Дуел за Штип: Само двајца кандидати за градоначалник, 11 листи за советници

Митева: СДСМ и Филипче со патолошки пристап во политиката, без аргументи создаваат магла и лажни скандали

Продолжува судењето за случајот „Онкологија 2“ против Нино Васев и Нехад Нухи

Шукова: Нема протокол, има чад, имам план за заштита на граѓаните од пожарите и депониите

ВМРО-ДПМНЕ ја објави листата на кандидати за советници за Советот на Град Скопје