Поздравувам што Мицкоски го поправил прозорецот во болничката соба, убавината е во тоа што прв пат имаме помош од него, досега беа само критики, но се надевам не е како со снегот, не дочистил ни пред себе, а камо ли пред соседот, рече премиерот Зоран Заев во емисијата „Само интервју“ на Канал 5 телевизија.
Тој додаде дека една година од почетокот на пандемијата ова е прв чекор Мицкоски и неговото ВМРО-ДПМНЕ да дадат свој придонес, иако многу пати упатувавме повици да учествуваат во справување со пандемијата, заедно да правиме комисија, да учествуваат во здрвството, да даваат предлози можеби има паметни луѓе што ќе дадат паметни предлози.
Заев потсети дека изминатите години се инвестирани илјадници евра, стотици милиони денари во реконструкција на клиниките, на болниците, на здравствените домови во државата и ако се прави споредба резултатите е видливи.
