На предлог на Министерството за правда на вчерашната седница е утврден Предлог-законот за изменување на Законот за матична евиденција со кој ќе се овозможи признавање на родовиот идентитет на трансродовите лица согласно позитивното меѓународно законодавство и почитувањето на сите човекови права.
Кинеските вакцини ќе пристигнат утре. Меѓу 5.000 и 7.000 вакцини на „Фајзер“ ќе пристигнуваат секој понеделник во мај, односно вкупно 26.000, најави вчера министерот за здравство Венко Филипче, кој рече дека очекуваат информација за вакцини и од Ковакс-системот.
Министерот за здравство Венко Филипче најавува дека на пунктовите за масовна вакцинација што треба да профункционираат во уште шест градови од вторник следната недела дневно ќе се овозможи да се вакцинираат и над 10.000 граѓани и како што вели, воопшто да нема никакви гужви. Досега се вакцинирани вкупно 60.000 граѓани.
Министерката за одбрана Радмила Шекеринска не очекува дека без партнер од другата страна и со техничка влада, како што изјави, е можен пресврт во однос на односите со Бугарија за нашето членство во ЕУ. Но, она што треба да го правиме до јуни, нагласи таа, е да ги потсетуваме сите оти ние нашите обврски ги исполнивме и очекуваме ист тип посветеност и доследност и од страна на ЕУ.
Стратешка цел на Словачка е Северна Македонија и Албанија што побрзо да станат членки на ЕУ и затоа Братислава е против раздвојување на преговарачкиот процес за двете земји и смета дека тие треба да ги почнат преговорите заедно, изјави денеска словачкиот заменик министер за надворешни работи Мартин Клус.
По добиените информации дека изолирани групи на ученици во неколку училишта во државата по насоки од родителите и старателите ја бојкотираат наставата, Министерството за образование и наука упатува апел за разумност и повторно приклучување кон останатите деца од нивните класови, затоа што постапката не оди во прилог на нивната едукација.
Мора да продолжиме со висок опфат на редовна имунизација против детските болести, вели Патриција Ди Џовани, претставничката на УНИЦЕФ, по посетата на поликиниката Ѓорче Петров во која се вакцинираат деца од три општини во Скопје.
„За македонските терористи и други занимливости“ пишува: САШО ОРДАНОСКИ / ЦИВИЛ МЕДИА
Приведен дилер од Гостивар, при преглед во неговото возило „ауди“, со гостиварски регистарски ознаки бил пронајден и одземен хероин. Тој бил приведен во полициска станица и по целосно документирање на случајот против него ќе биде поднесена соодветна пријава.
М. Миткоска
