Северна Македонија го одработи својот дел од обврските. Време е ЕУ да испорача, без одложување, бидејќи секоја поинаква одлука ќе го наруши кредибилитетот на ЕУ пред целиот Западен Балкан. Ова, како што објави на Твитер премиерот Зоран Заев, е заедничката порака за која се согласиле со Мирослав Лајчак, специјален претставник на ЕУ за дијалогот Белград – Приштина, на вечерашната средба во Брисел.
Министерството за образование и наука интензивно инвестира во реконструкција, доградби и изградби на училишта како и во опрема за лаборатории, со цел успешен старт на реформата на основното образование од учебната 2021/2022 година. Една од причините за намалување на квалитетот на образованието е недоволното и несоодветното вложување и финансирање на образованието во последните три децении, изјави министерката за образование и наука Мила Царовска.
Министерот за внатрешни работи Оливер Спасовски денеска заедно со директорот на БЈБ, началникот на Одделот за специјални полициски операции и командантите на Единицата за брзо распоредување и Специјалната антитерористичка единица „Тигар“, им оддале почит на вечни почивалишта на осумтемина припадници на полицијата кои загинаа во „Диво Насеље“ пред шест години.
Иницијаторите за стопирање на носење на новиот закон за учебници за основно и средно образование, здружени во фејсбук-групата „Учебници и настава мора да има“, од МОН чекаат покана за нова средба откако првата во четвртокот заврши без заклучок односно со ветување дека повторно ќе бидат поканети.
Повеќе медицински професионалци препорачуваат брисот од нос да се зема додека главата на пациентот е исправена. Стапчето мора да биде вметнато многу наназад, затоа што за добар примерок клетките и течностите мора да се соберат од назофарингсот. Па, бидејќи телото не е навикнато да има каков било предмет во тој дел, ова создава одредени реакции. Го активира лакрималниот рефлекс што значи дека ако брисот е земен правилно, ќе ви ги насолзи очите. Не боли, но е непријатно. Тестовите за ковид-19 не се отровни, иако се стерилизирани со етилен оксид, пишува Вистиномер.
На патеката кон Пониква денеска се одржа ридско-брзинската трка „Пониква 2021“, што се возеше во рамки на Државниот шампионат во автомобилизам и ФИА – Централна европска зона. На натпреварот учествуваа 25 домашни возачи, како и двајца гости од Полска и Косово, кои беа поделени во пет класи и возеа две трки.
М. Миткоска
