Во Русија, во текот на претходниот ден, вкупната површина погодена од пожари значително се зголеми – од 837 илјади хектари на 1.071 милиони – за само 24 часа. Од вчера бројот на шумски пожари е зголемен од 217 на 222.
За тоа време, површината на територијата што беше зафатена од огнот се зголеми за приближно 237 илјади хектари. Исто така, во тој период пожарникарите успеале да изгаснат 40 природни пожари. Пожарот ја зафати најголемата област во Јакутија, каде горат 924 илјади хектари шума.
Пожари беснеат и во големи области во регионот Иркутск, Карелија, Чукотка и Приморјето. Речиси пет илјади луѓе и 732 единици опрема се вклучени во гаснењето на пожарите.
Специјален противпожарен режим е во сила во 62 региони на Русија. Ноќеска евакуирани се 90 лица од едно село во Јакутија, откако пожарот, поради силниот ветер, со голема брзина стасал до населбите.
