Кандидатите за градоначалници да нù ги допрат срцата со своите визии, не џебовите….Сега се е јавно, корупцијата не се исплати, смета премиерот Заев. Перо Камиказа, доколку тој не е кандидат за градоначалник на Скопје, би гласал за Петре Шилегов…Што мисли Левица која го подджува? Пописот при крај….И многу други содржини во пладневниот преглед на актуелности кој за Вас го подготви Фронтлајн.
ФРОНТ И РЕНДГЕН
Градоначалничките визии треба да ни ги допрат и срцата, а не само џебовите… Некои седнале и нешто прочепкале по интернет, други главно се информираат од кафеанските маси каде што им заседаваат изборните „штабови“, а има и такви кои не ни кријат дека изборите им се шанса да ги прошетаат своите ега по телевизиите и маалските сокаци, пред да почнат посериозните есенски дождови откако заврши летното цветање на тиквите… ќе прочитате во најновата колумна на Сашо Орданоски.
ПОЛИТИКА И ИЗБОРИ
Османи: Ние заслужуваме да сме дел од ЕУ, а членство не следува по дифолт. Ние веќе имаме беспрекорна трговска унија со ЕУ, речиси 100 % ни се усогласени надворешните политики, имаме безвизен режим, имаме милијарди средства кои ни се дадени на располагање од ЕУ“, рече Османи.
Камиказа би гласал за Шилегов, Левица на апарати. Во дебатата на кандидатите за градоначалник на Град Скопје, организирана од „Телевизија 24“, кандидатите, покрај многубројните прашања, одговараа и на прашањате „за кого би гласале, ако Вие не сте канидат?“. На ова прашање, Перо Георгиевски – Камиказа, независен кандидат за градоначалник на Скопје, поддржан од Левица, одговори „За Шилегов“.
Заев: Претходните сѐ криеа, а сега сѐ е јавно, корупцијата не се исплати. Северна Македонија освои рекордни 83,43% во доменот на транспарентноста, според поставените критериуми. Она што е за одбележување е дека водечка позиција во регионот имаат и министерствата на Владата на со освоени 62% од поставените критериуми. Негувањето на принципот на транспарентност е прашање на одговорност на Владата, стои во неговиот статус.
Заев: За 4 години реализиравме над 2.000 проекти само во Скопје и скопските општини. Тој потенцираше дека како никогаш досега претходно не се инвестирало толку многу во проекти важни за локалниот развој важни за граѓаните, како што тоа го прават централната и локална власт во овие изминати четири години.
Фрчкоски за Милошоски: Процедурата во Собранието ја претвори во пазар. Ова е една странична необврзна процедура во Собранието. Таа и без неа може, но истовремено се претвори во еден пазар, поради политичките блокади на опозицијата и на лицето што ја води комисијата, рече Фрчкоски.
Пописот во завршна фаза, засега нема формален предлог за продолжување. Претседателот на Собранието, Талат Џафери, вчера порача дека нема пречка да се свика итна седница за продолжување на пописот, но треба да се достави предлог од Владата или група пратеници.
Ковид-19: Во светот над 4,7 милиони мртви, очекуваниот животен век намален за 10 години. По повеќе од 20 месеци пандемија, во светот досега од Ковид-19 починаа повеќе од 4,7 милиони луѓе (4.788,874), додека над 200 милиони (232.931,655) се заразиле, од кои 90 отсто. Активни се над 18,5 милиони случаи, од кои над 92.000 се однесуваат на пациенти кои се во тешка здравствена состојба. Од последици на Ковид-19 досега починаа околу 2,04 отсто од сите регистрирани случаи.
