коментира: ЈАНЕ ЃОРЃИОСКИ
Не навлегувајќи во суштината, овде и сега, само кратко ќе се навратам на последниот егзамплер што неодамна се случи во прес-центарот на Владата.
Новинарот од порталот Инфомакс, со сета сериозност поставува прашање до вицепремиерот Кочо Анѓушев и премиерот Зоран Заев.
Слушнете го, погледнете го ве молам прашањето на новинарот од Инфомакс што е присутен во прес-центарот на Владата и кој добил можност да поставува прашање на вицепремиер и премиер:
Директорот на Државни патишта се пофали дека има реновирано 730 километри патишта во Македонија. Во Македонија има вкупна должина на патишта 230 или 240 километри.
Kај ги најдовте тие 738 километри патишта?
Во коментарот на страната МакСтар каде е поставено видеото, се наведува дека ова е гаф на новинарот. Не другари, ова не е гаф, ова е во најмала рака логичка немоќ и инелектуална инфериорност да се перцiпира еден толку едноставен факт, како што е вкупната должина на патишта на територијата на една држава. Му честитам на воздржаноста на вицепремиерот, кој сепак собра сили и му одговори на поставеното прашање.
Инаку, да се потсетиме, станува збор за истиот новинар од Инфомакс кој пред некое време беше ревносно и на протести организирани во негова „чест“ бранет од негови колеги новинари. Исто така со официјални соопштенија и реакции во негова одбрана се јавија и новинарските здруженија меѓу кои за жал и ЗНМ. Тоа е оној новинар со кога на тие протест се испотепа да се слика и еден „истакнат новинарски бард“, кој во последно време, ако не и отсекогаш, го има загубено компасот.
Претседателот на ДИК вели дека медиумите во Македонија, за покривање на претстојните избори, од буџетот на државата добиле 3.7 милиони евра, од кои околу 1 милион евра добиле интернет порталите. Замислете Инфомакс и слични портали со слично профилирани уредници да се едни од тие што добиле буџетски пари?
На кого сè му е дозволено да присуствува на прес-конференции во Влада, или во која и да е сериозна институција, ама баш сериозно си го поставувам ова прашање?
