Шпанскиот фудбалски гигант Барселона е заинтересиран да го доведе во своите редови голманот на македонската фудбалска репрезентација Столе Димитриевски, јавија денеска локалните медиуми.
Според шпанската телевизиска програма „Ел Чирингито“, специјализирана за следење на Ла Лига со посебен акцент на случувањата во Барселона и Реал Мадрид, каталонскиот клуб сака да потпише договор со Димитриевски веќе во јануарскиот преоден рок.
Македонскиот голман сезонава е незаменлив на голот на мадридски Рајо Ваљекано, со кого има важечки договор до летото 2024 година.
Рајо Ваљекано сезонава се врати во прволигашката конкуренција во Ла Лига и е меѓу најпријатните изненадувања во шпанското првенство со 30 бодови по 18 кола, четвртопласиран на табелата на место кое води во Лигата на шампиони./МИА/.
