Од Сојузот на синдикати на Македонија се револтирани од изјавата на поранешниот министер за финансии, Трајко Славески, кој во вестите на ТВ 24 рече дека се неприфатливи барањата да има покачување на минималецот на 18.000 денари. Иако денеска продолжува дијалогот меѓу синдикатите, работадавачите и Владата за раст на минималната плата, Славески застанува на страната на газдите.
ССМ на својата фејзбук страница ја објавија реакцијата на СИНДИ @ Е-советник за работнички права. Во објавата иронично пишува „го разбираме Трајко Славески поради тоа што тој во Македонија прима плата во висина на минимална плата во Германија, па веројатно и тој е револтиран што е на германски минималец во Македонија. 50% од просечната плата во Германија е 1.400 евра а во Македонија 14.000 денари, па еројатно му е тешко да го преживее месецот како на 110.000 работници, па затоа ги поддржува работодавачите, а не работниците“.
Славески за ТВ 24 рече дека прифатливи се барањата на сопствениците на капиталот –работодавачите, да се промени методологијата за пресметка на минималецот, односно поголема тежина да има порастот на цените во усогласувањето на минималната плата.
„Во спротивно, ова што го бара Синдикатот се коси со целокупната практика во Европа и во светот. Минималната плата не може да се однесува на преку 20 проценти од вработените како прво, и не може да биде 60 проценти од просечната, кога Европската унија која изрично наложува максимум да биде 50 проценти“.
Според Славески вaквото зголемување од 18. 000 би придонело најголем дел од компаниите да затворат.
Со ваквите ставови на проф. Славески очигледно ВМРО-ДПМНЕ ги напушта позициите за заштитник на народот спротивставувајќи се на интересите на работниците од кои огромен дел се и подржувачи на оваа парија.
Славески а следствено и ВМРО-ДПМНЕ со јавната и отворена поддршка на работодавачите, го минира процесот на договарање на трите страни во економскиот совет давајќи им аргументи повеќе на стопанските комори да не ги прифатат барањата на Синдикатот.
Ваквите ставови на претставникот на ВМРО-ДПМНЕ се сосема спротивни на апелите на граѓаните во анкетата на ТВ Алфа во која ги осудуваат сите оние кои се против зголемување на минималната плата.
