„Очигледно е дека говорот на омраза но и другите форми на валкана и црна пропаганда се многу присутни и нивното присуство секојдневно расте. Нивната софистицираност од сезона во сезона се продлабочува, се гледа дека се вложува многу труд, многу повеќе пари, ум. Во тоа може да се каже дека лажните вести, дезинформациите, манипулациите, спиновите исто така се еден голем и сериозен дел од целата таа црна пропаганда која се води и милам дека тоа е резултат на недостаток на вистински политички програми и идеи“, изјави Џабир Дерала, ЦИВИЛ во „Утрински брифинг“ на Слободна ТВ.
„Во нашата земја најголемите зафати се прават преку политички партии и неможе да се прифати фактот дека тоа неколку групи го прават. Тоа може да го прават сериозни групи кои се организирани како политички партии, кои располагаат со многу пари и ресурси, многу луѓе работат за нив и многу луѓе сакаат да работат за нив“, изјави Дерала.
Во однос на престојните предвремени парламентрани избори Дерала рече дека ЦИВИЛ е подготвен и будно ги следи состојбите. Најголем ресурс во долгорочното набљудување, изјави Дерала, за ЦИВИЛ се граѓанките и граѓаните, а првите наоди од мониторингот по објавување на датумот за избори ЦИВИЛ веќе ги изнесе на прес конференција одржана на 19 декември.
„Таа несреќна комуникација меѓу Смаиловиќ и Мизрахи, сметам дека е напумпана до бесвест и дека се работи за спинување, за кое одредени политички партии се навистина мајстори, и претерување во однос на што: пораката на Смаиловиќ беше една, а се прифати и се продолжи дискусијата како нешто сосема друго“, смета Дерала за актуелниот настан со статусот на Мерсиха Смаиловиќ, насочен кон техничката министерка за труд и социјална политика Рашела Мизрахи.
извор ЦИВИЛ
Б. Ј.
