Најмалку триесет и три лица загинаа денеска во руски напад врз две училишта и станбени згради во северниот украински град Чернигов, соопшти украинската служба за спасување.
Претходно беше соопштено дека загинале 22 лица, иако се стравуваше дека бројката ќе биде поголема, бидејќи спасувачите се уште трагаат по жртвите и преживеаните под урнатините.
Снимките од службите за вонредни ситуации покажуваат како чад излегува од уништените станови, остатоци на земја и спасувачи кои пренесуваат тела.
Во Чернигов живеат околу 280.000 луѓе, а руската армија ја гранатираше станбената населба и покрај тврдењата дека мета на напади се само воени објекти и инфраструктура. Денеска е осми ден од почетокот на руската инвазија врз Украина.
извор: МИА
