„Војната мора да биде заменета со мир. Насилството со дијалог. Нема изговори, нема ниту едно оправдување во 2022 година да сведочиме воени инвазии врз демократска и суверена земја, врз население кое одлучило да создаде своја, независна држава. Украина и Европа веќе нема да се исти”, изјави експремиерот Зоран Заев за грчки „Ајидисис”.
Тој додаде дека светот веќе никогаш нема да гледа на руските власти на ист начин, бидејќи Русија избра насилство и поради тоа предизвика лавина санкции од демократскиот свет.
„Не е добро да преземате дејства со кои го терате светот да се оградува од вас. Тоа е најлошото нешто што можете да му го направите на сопствениот народ”, рече Заев.
Експремиерот додаде дека е горд што Северна Македонија е на страната на мирот, на сигурноста, на безбедноста, заедно со целиот демократски свет и особено заедно со НАТО.
