Тренерот на Манчестер јунајтед, Ерик тен Хаг, по натпреварот од 3. коло на Премиер лигата против Ливерпул (2:1), изрази задоволство од изданието на неговите избраници.
Можеме да зборуваме за тактики, но сЕ е до играчите. Имаше комуникација и борбеност. Сакав поинаков пристап и поинаков став и тоа го донесоа на теренот. Ова е само почетокот. Можеме да играме со многу повеќе смиреност и многу поголема опасност. Да се биде тим и да се има добар став е она што го видовме денес. Мора да дејствуваме, а не да зборуваме, да се бориме и да бидеме храбри. Задоволен сум што Рашфорд и Санчо постигнаа гол. Фернандеш ја презеде одговорноста, капитенската улога го расположи. Тој покажа лидерски квалитети заедно со Варан. Ако сакате да победувате, потребни ви се лидери и духот што го покажавме денес, го цитира „Скај спортс“ Тен Хаг.
Клоп е загрижен за ситуацијата
Тренерот на Ливерпул, Јирген Клоп ги сумираше впечатоците од натпреварот и вели дека е загрижен за ситуацијата
Тие беа многу агресивни на почетокот, беше јасно што ќе се случи понатаму. Беа поагресивни од нас и веднаш ја погодија стативата. Немавме доволно среќа против противник каков што е Манчестер Јунајтед, би било корисно да имаме 1:1 до паузата. Требаше повеќе да ги искористиме нашите шанси, но во вториот дел Де Хеа направи фантастични одбрани. Не бевме 100 проценти подготвени. Имаме тешка ситуација со повреди, функционираме една недела со 14-15 играчи и сега треба да се погрижиме да не се повредат. Требаше да го добиеме овој натпревар. Знам дека звучи смешно, но јас така го видов. Загрижен сум за нашата ситуација. Сега се подготвуваме за Бурнмаут и Њукасл, изјави Клоп за „Скај спортс“.
Манчестер јунајтед ја забележа првата победа во Премиер лигата оваа сезона, додека Ливерпул го запиша првиот пораз и остана на само два од можни девет бода.
