Група руски функционери апелираа до Државната дума на земјата да го отстрани претседателот Владимир Путин од власт под обвинение за велепредавство, открива документот што го сподели еден од руските пратеници кои го потпишаа предлогот, пренесува Њузвик.
Во твитот објавен во средата од Никита Јурефев, општински заменик за Смолнинское во Санкт Петербург, функционерот напиша дека Советот на општинскиот округ Смолнинское „испратил предлог до Државната дума со барање да се отстрани Путин од функцијата врз основа на обвиненијата за велепредавство“.
Обвинението за предавство се чини дека е директно поврзано со целосната инвазија на Украина, која во Русија сè уште се нарекува „специјална воена операција“ од страна на Кремљ и неговата пропагандна машина.
„Неговата одлука да започне Специјална воена операција доведе до 1) смрт на руски војници, 2) проблеми во руската економија, 3) проширување на НАТО (границата со НАТО е двојно зголемена!“, се вели во твитот на Јурефев.
Обратились в ГосДуму с предложением отстранить Путина от должности в связи с государственной изменой. Его решение о начале СВО привело к 1) гибели российских военных, 2) проблемам в российской экономике, 3) расширению НАТО (граница с НАТО увеличилась в 2 раза!), (1/3) pic.twitter.com/j4pbxyavBa
— Никита Юферев (@NikitaYuferev) September 7, 2022
Списокот на жалби против рускиот претседател продолжува во следен твит.
„Украина се милитаризира и доби оружје во вредност од 38 милијарди долари за да се бори против Русија. Сето ова се последиците од одлуката за започнување на „Специјалната воена операција“. Дејствата на Путин претставуваат закана за безбедноста на Русија. Тој треба да биде отпуштен! Усвоено на состанокот на општинскиот совет на Смолнинское“.
Јурефев рече дека нацрт-одлуката поднесена до Државната дума ја претставил Дмитриј Паљуга, заменик на Московскиот регион Смолнинское и потпишан од шест други пратеници покрај самиот Јурефев. Според Јурефев и Паљуга, предлогот бил поддржан од мнозинството присутни пратеници.
„Сметаме дека е важно да се зборува за она што се случува и да се обратиме на различна публика со различни аргументи за сето тоа да заврши што е можно поскоро“, се вели во твитот на Јурефев.
Копија од документот покажува дека руските функционери ги сметаат постапките на Путин од 24 февруари како доказ за „велепредавство“. Пратениците се жалат дека руската економија страда од почетокот на војната во Украина и дека руската армија е „уништена“, бидејќи младите работоспособни граѓани се враќаат дома како инвалиди или умираат на бојното поле.
Тие, исто така, ги обвинуваат дејствијата на Путин дека го поттикнале проширувањето на НАТО кон Исток и ја забрзале милитаризацијата на Украина, токму спротивното од она што требаше да го постигне таканаречената специјална воена операција во Украина.
Ова не е првпат општината Смолнинское да се обиде да се ослободи од Путин по почетокот на војната во Украина. Советот веќе упати писмо до Путин на почетокот на март, нарекувајќи ја инвазијата на Украина „ненадејна и немотивирана агресија против соседна држава“.
„Општинскиот совет на Смолнинское ве повикува да престанете со крвопролевањето. Веднаш повлечете ги руските војници од територијата на Украина и поднесете оставка! напишаа во писмото.
Во интервју за Current Time TV, телевизиски канал на руски јазик со седиште во Прага, создаден од американските организации Радио Слободна Европа/Радио Слобода и Глас на Америка, Паљуга рече дека шансите предлогот да биде прифатен од Државната Дума се „ речиси нула“.
„Но, за нас е важно да има пратеници во Русија и да се слуша нивниот глас, за да не мислат дека сите во Русија поддржуваат специјална воена операција. Има владини претставници на општинско ниво кои не поддржуваат специјална воена операција“, рече Паљуга.
Извор: ЦивилМедиа
