Неколку градови во Украина денеска беа погодени од ракети. Експлозии се регистрирани во Киев, Запорижја, Днипро, Лавов, Житомир, Харков, Миколаев, Одеса, Полтава. Севкупно, утрото Русија истрела повеќе од 80 проектили кон Украина, од кои повеќе од 40 ја соборија украинската противвоздушна одбрана. Државната служба за итни случаи на Украина известува за девет смртни случаи, без да прецизира за кои градови станува збор. Најмалку 36 лица се повредени.
Како што појасни во интервју за Сегашно времеТВ советникот на шефот на Министерството за внатрешни работи на Украина, Антон Герашенко, сите загинати во Киев, според податоците во овој момент, биле цивили.
“All the people killed in today’s attack are civilians”, – a fragment of my interview to @CurrentTimeTv about today’s Russian strikes. pic.twitter.com/AuKcaVjKEV
— Anton Gerashchenko (@Gerashchenko_en) October 10, 2022
Масовните ракетни напади врз украинските градови почнаа два дена по експлозијата на Кримскиот мост. Путин го нарече инцидентот терористички напад и ја обвини Украина за тоа. Заменик-шефот на Советот за безбедност на Руската Федерација, Дмитриј Медведев, истакна дека одговорот на Русија на експлозијата може да биде само „директно уништување на терористите“.
